21 лютага ў свеце штогод прынята адзначаць Міжнародны дзень роднай мовы. Гэты дзень асаблівы для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Ведаць родную мову гэтак жа важна, як і быць патрыётам сваёй краіны і годным яе грамадзянінам.
Традыцыйна, у рамках святкавання Міжнароднага дня роднай мовы, у дзяржаўнай установе адукацыі "Усцярхоўская сярэдняя школа Глусскага раёна" прайшоў дзень роднай мовы. Сённяшні дзень пачаўся менавіта з беларускай мовы. Мы віталіся па-беларуску, адказвалі на пытанні па-беларуску, адгадвалі загадкі, крыжаванкі, успаміналі беларускія прымаўкі. На перапынку слухалі музычныя беларускія кампазіцыі, прызнаваліся ў любві да роднай мовы.
Сярод навучэнцаў 5-11 классаў адбылася гульня віктарына "Каб мова родная гучала".
Кожны перапынак гучалі беларускія музычныя кампазіцыі "Хіты па-беларуску".
Квэст "Перакладчыкі. Грамацеі. Карэктары" дапамог вучням праявіць свае здольнасці.
Назіральнасць, кемлівасць і лагічнае мысленне вучняў спалучалася з выдатнымі ведамі роднай мовы. Дзеці атрымалі масу станоўчых уражанняў і эмоцый!
Віншуем вас з Днём роднай мовы!
разгарнуць » / « згарнуць