Што такое Ніка?
НІКА – гэта ацэнка функцыянальнай пісьменнасці навучэнцаў, вызначэнне таго, наколькі сённяшнія юнакі і дзяўчаты гатовы да дарослага жыцця, вырашэння рэальных жыццёвых праблем з выкарыстаннем тых ведаў і ўменняў, якія яны атрымалі ва ўстановах адукацыі.
Ніка не замяняе якасную сістэматычную ацэнку адукацыйных дасягненняў, а праводзіцца разам з ёй.
Што такое функцыянальная пісьменнасць?
Функцыянальная пісьменнасць - гэта выпрацаваная ў працэсе вучэбнай і пазавучэбнай дзейнасці гатоўнасць знаходзіць аптымальныя спосабы вырашэння жыццёвых задач, праяўляць творчасць і быць паспяховым у розных сферах жыццядзейнасці.
Якія вобласці функцыянальнай пісьменнасці пакладзены ў аснову кантрольна-дыягнастычных заданняў Ніка-2023?
– чытацкая,
– матэматычная,
– прыродазнаўчая,
- фінансавая.
Хто прыме ўдзел у Ніка?
Навучэнцы Х класа ўстаноў агульнай сярэдняй адукацыі, I курса ўстаноў адукацыі, якія забяспечваюць асваенне праграм сярэдняй спецыяльнай і прафесійна-тэхнічнай адукацыі.
Якая працягласць выканання работы?
Дыягнастычная праца складаецца з дзвюх частак, кожная з якіх доўжыцца 45 хвілін з 10-хвілінным перапынкам. У кожнай частцы навучэнец, у залежнасці ад варыянту (I або II), выконвае працу па двух відах пісьменнасці: чытацкая і матэматычная альбо прыродазнаўчая і фінансавая. Потым адказвае на пытанні анкеты.
Што дазволіць паспяхова зладзіцца з працай?
– актыўнае прымяненне ведаў, уменняў, навыкаў, набытых на вучэбных прадметах, выкарыстанне жыццёвага вопыту;
– гатоўнасць працаваць з нязвыклым фарматам заданняў, праходзіць тэсціраванне на камп'ютары;
– адсочванне часавых рамак выканання работы;
– уменне прытрымлівацца зададзенага алгарытму; – уважлівае прачытанне заданняў; – афармленне адказаў у адпаведнасці з зададзенымі патрабаваннямі;
- выбар уласнага тэмпу і парадку выканання заданняў;
- жаданне праверыць свае сілы і магчымасці.
Рэкамендацыі па падрыхтоўцы да Ніка
1. Пазнаёмцеся з інфармацыяй аб тым, як будзе праводзіцца даследаванне. Гэта можна зрабіць, перайшоўшы па спасылцы: https://adu.by/images/2023/05/post-MO-RB-146-2023.pdf
2. Калі ў Вас засталіся пытанні, звязаныя з правядзеннем НІКА, звярніцеся па тлумачэнні да педагогаў Вашай установы адукацыі.
3. Пазнаёмцеся з трэніровачнымі заданнямі, прапанаванымі на нацыянальным адукацыйным партале, перайшоўшы па спасылцы: https://adu.by/ru/pedagogam/natsionalnoe-issledovanie-kachestvaobrazovaniya-niko.html.
4. Прайдзіце трэніровачнае тэсціраванне. Звярніце ўвагу на тыпы заданняў, у якіх дапусцілі памылкі. У выпадку цяжкасцяў пры выкананні заданняў звернецеся да педагогаў або бацькоў за дапамогай, парадай.
5. Каб больш даведацца аб тыпах заданнях, якія выкарыстоўваюцца ў даследаванні, можна скарыстацца банкам заданняў, прадстаўленым у адкрытым доступе на сайце Інстытута стратэгіі развіцця адукацыі Расійскай Федэрацыі. Паспрабуйце самастойна выканаць заданні, а не проста іх прагледзець.
6. Важна псіхалагічна падрыхтавацца да даследавання. Адпаведныя рэкамендацыі з практычнымі парадамі па падрыхтоўцы да Ніка прадстаўлены па спасылцы: https://adu.by/ru/homeru/news/novostnaya-lenta/psikhologicheskayapodgotovka-k-natsionalnomu-issledovaniyu-kachestvaobrazovaniya.html.
7. Адказваючы на пытанні анкеты, памятайце, што не існуе правільных і няправільных адказаў (гэта не тэсціраванне). Анкета праводзіцца з мэтай даведацца пра Вашу думку па пытаннях, якія вывучаюцца.