27 красавіка прайшло мерапрыемства, прысвечанае 38-й гадавіне Чарнобыльскай трагедыі "Чарнобыль у нашай памяці", у якім прынялі ўдзел піянеры дружыны імя Марата Казея.
Аварыя на Чарнобыльскай АЭС, якая адбылася 26 красавіка 1986 года, стала найбуйнейшай экалагічнай катастрофай ХХ стагоддзя. Чарнобыль назаўжды ўвайшоў у сусветную гісторыю, стаў болем і горкай памятнай датай для некалькіх пакаленняў грамадзян Беларусі, Расіі і Украіны.
Падчас мерапрыемства навучэнцам распавялі пра радыеактыўную катастрофу, пра подзвіг ліквідатараў аварыі. Дзеці прасачылі хроніку падзей таго дня, даведаліся, які разбуральны ўплыў аказаў выбух на чалавецтва і прыроду, і як праходзіла эвакуацыя насельніцтва.
Мерапрыемства суправаджалася мультымедыйнай прэзентацыяй, а таксама відэакліпам, які быў прысвечаны ліквідатарам наступстваў трагедыі. Хлопцы азнаёміліся з дакументальнымі і мастацкімі кнігамі, якія распавядаюць аб тэхнагеннай катастрофе.
разгарнуць » / « згарнуць