Апошні званок прагучаў у ДУА"Усцярхоўскі НПК дз/с-сш". Для адных-гэта пачатак летніх канікул, для іншых-кранальнае развітанне са школай. Сёння яны ўжо не стаяць ля дошкі і ў іх не правяраюць хатняе заданне.Сёння яны выказалі падзяку ўсім, хто вёў іх па жыцці адзінаццаць гадоў: настаўнікам, работнікам установы адукацыі, бацькам. Слёзы крадком і паветраныя шары, развітальны вальс і словы развітання на асфальце. Далей-экзамены і дарога ў дарослае, самастойнае жыццё. Падтрымаць выпускнікоў прыйшлі: старшыня Глускага райвыканкама Чачуха С. У., дырэктар ААТ "Зара камуны" Алёхна Ю. С., старшыня Казловіцкага сельскага выканаўчага камітэта Каблаш У. К. і вядома ж кіраўнік установы адукацыі Сасноўскі В. С., настаўнікі, бацькі, першакласнікі, першая настаўніца.