У рамках акцыі " Наркотыкі. Адказнасць. Наступствы." 30 верасня ў спартыўнай зале адбылося спартыўнае мерапрыемства-спартландыя пад назвай «Моцныя, спрытныя, смелыя». Навучэнцы з захапленнем бегалі, скакалі ў мяшках, перацягвалі канат. Конкурсы былі разлічаны на розныя віды рухальнай актыўнасці. Галоўнае, што неабходна было праявіць камандам-удзельніцам - гэта вытрымка і ўзаемадапамога. Абедзве каманды былі моцныя. Перамагла дружба. Усе ўдзельнікі, у тым ліку і гледачы, весела і з карысцю правялі час, атрымалі зарад станоўчых эмоцый і ўмацавалі здароўе. Спартландыя ўдалася: у спартыўнай зале панаваў спаборніцкі дух, азарт каманд быў высокім, падтрымка балельшчыкаў - актыўнай.