З мэтай фарміравання духоўна-маральных якасцей асобы, знаёмства з народнымі традыцыямі, захавання творчай спадчыны беларусаў ва ўстанове адукацыі 2 верасня было арганізавана і праведзена мерапрыемства ў рамках святкавання Дня беларускага пісьменства. Настаўнік беларускай мовы і літаратуры Саковіч Н.Р. распавяла навучэнцам пра тое, што ўрачыстасці Дня беларускага пісьменства ўжо шмат гадоў праводзяцца ў розных гарадах Беларусі. Свята прымаюць гістарычныя і культурныя цэнтры, з якімі звязана жыццё вядомых дзеячаў краіны. Традыцыя святкавання Дня беларускага пісьменства зарадзілася ў 1994 годзе, калі 28 жніўня ў Полацку ўпершыню прайшлі мерапрыемствы ў гонар Дня беларускага пісьменства і друку. З гэтага моманту свята атрымаў асабліва шырокі размах і падтрымку на самым высокім узроўні. У 2023 годзе святу 30 гадоў.