З мэтай папярэджання пажараў, траўматызму, а таксама гібелі людзей інспектар Глускага РАНС Піліповіч І.М. правёў прафілактычную гутарку з працоўным калектывам установы адукацыі.

Выратавальнік пазнаёміў прысутных з аператыўнай абстаноўкай на тэрыторыі раёна і вобласці. Нагадаў асноўныя прычыны ўзнікнення пажараў, закрануў праблемныя пытанні ў забеспячэнні бяспекі жыццядзейнасці насельніцтва. У ходзе гутаркі пагаварылі таксама аб эксплуатацыі электраабсталявання, забеспячэнні бяспекі дзяцей, паводзінах у надзвычайных сітуацыях і правілах карыстання першаснымі сродкамі пажаратушэння.