22.11.2023 адбылася сустрэча навучэнцаў нашай школы з супрацоўнікам Глускага аддзялення ДАІ Багуном В. В.

Падчас сустрэчы інспектар распавёў навучэнцам аб тым, як правільна паводзіць сябе на дарогах, пешаходных пераходах і ў грамадскім транспарце, нагадаў аб флікерах, распавёў аб правілах бяспечных паводзін у зімовы перыяд, падчас галалёду, снегападу і катання на санках і лыжах. Інспектар адзначыў, што выкарыстанне навушнікаў з музыкай і мабільнага тэлефона недапушчальна пры пераходзе праезнай часткі дарогі. Акрамя таго, ён выказаў надзею, што развіццё разумення небяспекі пры знаходжанні на праезнай частцы дзецьмі-пешаходамі дазволіць знізіць дарожна-транспартны траўматызм.

Падобныя прафілактычныя мерапрыемствы ў выглядзе гутарак з дзецьмі накіраваны на тое, каб як мага больш школьнікаў памяталі пра бяспеку дарожнага руху.