З мэтай удасканалення ведаў вучняў аб роднай краіне, яе дзяржаўных сімвалах, традыцыях, выхавання пачуцця гонару за сваю радзіму, свой народ у школьным лагеры з дзённым знаходжаннем навучэнцаў ДУА "Устэрхаўская сярэдняя школа Глускага раёна" для навучэнцаў 04.01.2024 была праведзена конкурсная праграма «Мая Радзіма».
Дзеці замацавалі свае веды аб роднай краіне, яе славутасцях і знакамітых земляках у гульнявой форме. Весела і на пазітыве прайшлі конкурсы, дзе навучэнцы разгадвалі крыжаванкі, рэбусы, складалі чатырохрадкоўі аб роднай зямлі, падбіралі асацыяцыі да слоў, малюначкаў і многае іншае.
У канцы мерапрыемства хлопцы падвялі вынікі і прыйшлі да высновы, што сёння ў свеце шмат выдатных краін. Яны прыцягваюць сваёй прыгажосцю і непаўторнасцю. Але ў кожнага чалавека ёсць толькі адна краіна, якая з'яўляецца роднай. Каб быць годным грамадзянінам сваёй краіны, неабходна любіць і берагчы яе.