Вясна-гэта не толькі час абуджэння прыроды, але і пара навядзення чысціні і парадку.

30.03.2024 у нашай школе прайшоў суботнік па ўборцы школьнага двара і прылеглай тэрыторыі. Педагогі, работнікі школы дружна выйшлі на суботнік.

Была праведзена вялікая праца: падмялі дарожкі, згрэблі леташнюю лістоту, прывялі ў парадак клумбы.

Нам вельмі пашанцавала з надвор'ем. Было вельмі цёпла, сонечна і настрой ва ўсіх, адпаведна, быў выдатны. Усе з задавальненнем займаліся ўборкай.

Суботнік прайшоў арганізавана і на эмацыйным уздыме. Мы не заўважылі, як прайшоў час, а галоўнае – тэрыторыя школы прыведзена ў парадак!