28 чэрвеня ў летнім аздараўленчым лагеры "Праменьчык" прайшоў конкурс букетаў і кветкавых кампазіцый "Палявыя кветкі". Дзеці на ранішняй прагулцы разам з выхавацелямі сабралі велізарныя букеты маляўнічых палявых кветак. Дзеці даведаліся аб разнастайнасці кветак на нашай планеце, прыадчынілі дзверы ў таямнічы свет. Бо ў самым малюсенькім дзьмухаўцы, у закінутым сярод хлябоў васільку закладзена вялікая сіла, якая прымушае радавацца ці сумаваць, хвалявацца, успамінаць пра нешта сваё. Выхаванцы разгадвалі загадкі, глядзелі прэзентацыі, знаёміліся з легендамі аб палявых кветках. Потым пачалася гадзіна творчасці "Букет палявых кветак". Кожны ўдзельнік творча падышоў да задання, ствараў свае кампазіцыі, прадэманстраваў разнастайнасць кветак. Дзень кветак прынёс масу уражанняў, выдатных эмоцый.