7 снежня ў нашай школе  адбыўся таварыскі матч па валейболе, сярод зборных каманд школы сярэдняга і старэйшага звяна. З першых жа хвілін матчу стала ясна, што каманды настроены рашуча: хуткі тэмп гульні, выразныя падачы, вокамгненныя перадачы, яркія эмоцыі і вострыя моманты. На пляцоўцы панавалі спартыўны азарт і асаблівая атмасфера, якая прымушае балельшчыкаў актыўна падтрымліваць свае каманды.Ніхто не хацеў прайграць-кожная каманда хацела даказаць сабе і заўзятарам, што яны лепшыя. Спартыўнае спаборніцтва прайшло на высокім узроўні і ў праўдзіва спартыўным духу.