гэта сумесная акцыя Міністэрства ўнутраных спраў, Міністэрства працы і сацыяльнай абароны, Міністэрства аховы здароўя, Міністэрства адукацыі.

Мэта мерапрыемстваў - своечасова папярэдзіць факты дамашняга насілля, прыцягнуць увагу да вырашэння гэтай праблемы, аказаць кваліфікаваную дапамогу пацярпелым. Асаблівы акцэнт міліцыянеры зробяць на растлумачэнні заканадаўства аб прафілактыцы дамашняга насілля, прымяненні дадатковых мер кантролю да тых, каго ўжо выкрывалі ў супрацьпраўных дзеяннях у адносінах да блізкіх.

Акцыя праходзіць у тры этапы: да 10.03.2025 - падрыхтоўчы, з 10 па 16.03.2025 - асноўны, з 17 па 25.03.2025 - заключны.

Гвалт у сям'і – найбольш распаўсюджаная форма гвалту ў адносінах да жанчын. Згодна з даследаваннямі, праведзенымі ў шэрагу краін Сусветнай арганізацыяй аховы здароўя, да 70% жанчын хаця б раз у жыцці падвяргаліся фізічнаму гвалту з боку свайго партнёра або мужа. Многія жанчыны здзяйсняюць грубую памылку, калі пасля першага ці другога сямейнага скандалу, які завяршыўся рукапрыкладствам з боку мужа-агрэсара, не надаюць гэтаму асаблівага значэння і не звяртаюцца па дапамогу да спецыялістаў. Памятайце: у 95 % выпадкаў, калі гвалт ужо меў месца, ён паўторыцца. Гвалт у любой форме праявы непрымальны для грамадства. Дзе ёсць гвалт у сям'і - няма сям'і.