20 сакавіка ва Устцярхоўскай сярэдняй школе прайшла ўрачыстая лінейка, прысвечаная заканчэнню III чвэрці 2025/2026 навучальнага года. Пачалася лінейка з пастраення і выканання дзяржаўнага гімна Рэспублікі Беларусь. Ва ўрачыстай абстаноўцы былі падведзены вынікі мінулай чвэрці. Намеснік дырэктара па УР Фільчанка Г.А. уручыла ганаровыя граматы і дыпломы пераможцам алімпіяд і спаборніцтваў. Педагог-арганізатар Смычнік Г.У. пажадала дзецям добрых канікул і бадзёрага настрою, расказала аб рабоце прышкольнага аздараўленчага лагера і аб'яднанняў па інтарэсах у канікулярны час, нагадала аб правілах бяспечных паводзін у час вясенніх канікулаў.