07.05.2026 навучэнцы 5-7 класаў нашай школы наведалі цэнтр бяспекі жыццядзейнасці Магілёўскага абласнога ўпраўлення МНС Рэспублікі Беларусь. Рабяты пазнаёміліся з усімі тэматычнымі блокамі цэнтра: пажарная бяспека; паводзіны на вадаёмах, у лесе, на дарозе, падчас навальніцы; аказанне першай дапамогі; бяспека пры эксплуатацыі электра- і газавага абсталявання; радыяцыйная і ядзерная бяспека. Таксама праверылі свае веды па асновах бяспекі жыццядзейнасці, паспяхова выйшлі з задымленага лабірынта і аказалі дапамогу пацярпелым.