Лета ў самым разгары і работнікі выратавальнага ведамства актыўна наведваюць летнія лагеры, каб нагадаць хлопцам правілы бяспечных паводзін. Чарговым пунктам сустрэчы работнікаў МНС і падлеткаў стаў выхаваўча-аздараўленчы лагер "Патрыёт", дзе супрацоўнік Глускага РАНС Піліпавіч І.М. правёў яркае мерапрыемства. Піліповіч І.М. падрыхтаваў для хлапчукоў займальную праграму. Падчас тэарэтычнай часткі ратавальнік нагадаў, якія правілы бяспекі неабходна выконваць, каб не патрапіць у небяспечную сітуацыю на вадаёмах, у лесе, дома і на вуліцы. Дзеці актыўна адказвалі на пытанні тэматычных віктарын, а таксама праявілі кемлівасць, вырашаючы інтэлектуальныя галаваломкі. Потым выхаванцаў запрасілі прыняць удзел у спартыўных спаборніцтвах з выкарыстаннем элементаў аварыйна-выратавальнага абсталявання. Мерапрыемства атрымаліся не толькі яркім і запамінальным, але і неверагодна карысным.